O‘zbekiston Prezidenti Shavkat Mirziyoyev bugungi tadbirda oliy toifali o‘qituvchi hamda shifokorlarning oylik maoshlarini oshirib borishaqida gapirdi.

–  Ochiq aytish lozim, biz bu zahmatkash, fidoyi insonlar oldida hali qarzdormiz. Shu boisdan ham, qanchalik qiyin bo‘lmasin, o‘qituvchilar mehnatini munosib rag‘batlantirish uchun bor kuch va imkoniyatlarimizni safarbar etamiz. 2025 yilga borib, oliy toifali o‘qituvchilarning oylik maoshini ekvivalent hisobida ming dollarga yetkazish choralari ko‘riladi.

Taraqqiyot strategiyamizda xalqimiz salomatligini ta’minlash bundan buyon ham bosh vazifa bo‘lib qoladi. 

Ushbu sohaga yo‘naltiriladigan mablag‘larni 2 barobar oshirish, jumladan, kelgusi besh yilda oliy toifali shifokorlar maoshini ming dollarga yetkazish mo‘ljallanmoqda.

O‘qituvchilar oyligini ming dollar qilib, shifokorlarga e’titibor qilmasak, adolatdan bo‘lmaydi, – dedi Shavkat Mirziyoyev.

• Prezident