Rossiyaga kirish uchun 2022-yildan giyohvandlik va OIV infeksiyasi yoʻqligi toʻgʻrisidagi tibbiy maʼlumotnoma talab etiladi, deya xabar bermoqda Tashqi mehnat migratsiyasi agentligi.

Qayd etilishicha, 2021-yil 29-dekabrdan Rossiya Federatsiyasiga mehnat faoliyatini amalga oshirish maqsadida 90 kalendar kundan ortiq muddatga kelgan chet-el fuqarolari va fuqaroligi boʻlmagan shaxslar giyohvandlik, psixotrop yoki ruhiyatga taʼsir etuvchi va boshqalar uchun xavfli boʻlgan yangi moddalarni shifokor retseptisiz isteʼmol qilish holati hamda OIV infeksiyasi bor yoki yoʻqligini tasdiqlovchi tibbiy hujjatni IIVga taqdim etishi talab qilinadi.

Shuningdek, keltirilishicha agar hujjat chet tilida boʻlsa, rus tiliga tarjima qilinishi hamda notarial tasdiqlangan boʻlishi, qabul qilingandan soʻng vakolatli shaxs tomonidan tekshirilishi, soʻngra qabul qilingani toʻgʻrisidagi guvohnoma berilishi kerak.

Maʼlum qilinishicha, mehnat faoliyatini amalga oshirish uchun 10 ming fuqaroni Rossiyaga jalb qilish boʻyicha pilot loyihasi doirasida ushbu tibbiy hujjat Oʻzbekistonda tayyorlanishi koʻzda tutilgan.

• Migratsiya
• Rossiya