Shimoliy Koreya yetakchisi Kim Chen In o‘z qizini yangi qit’alararo raketa namoyishi chog‘ida ilk bor omma oldiga olib chiqdi. Bu haqda Yonhap agentligi xabar berdi.

Davlat agentligining taʼkidlashicha, Kim Chen In strategik qurollarni sinovdan oʻtkazuvchi poligonga “sevikli qizi va rafiqasi bilan birga jarayonga shaxsan rahbarlik qilish uchun” kelgan.

Janubiy koreyalik jurnalistlarning yozishicha, qizning ismi Kim Chju E, u to‘qqiz yoshda.

Agentlik tomonidan olingan to‘rtta suratda maktab yoshidagi qiz Kim Chen Inning qo‘lidan ushlab, yangi harbiy texnikalar atrofida aylanib yurganini ko‘rish mumkin.

Janubiy Koreyaning Kunmin universiteti professori Andrey Lankovning so‘zlariga ko‘ra, KXDR rahbarining qizi raketaning uchirilishini tomosha qilishga qiziqqan. “Bolalar samolyotlarni, raketalarni, lokomotivlarni yaxshi ko‘radilar. Nega ko‘rsatmaslik kerak? Qolaversa, u malika ham. Nega malika buni tomosha qilmasligi kerak?”.

Lankov, shuningdek, Kim Chen In demokratik respublikada boshqaruv jilovini o‘g‘liga emas, qiziga topshirishi mumkinligini ham inkor etmadi.

“U hayratlanarli darajada ota-bobolariga xos bo‘lgan patriarxal xurofotlardan ozoddir. Shunga qaramay, men u o‘z qizini ommaga namoyish qilishidan juda chuqur xulosa chiqarmagan bo‘lardim. Kimning oilasida shahzodalar va malikalar ko‘p”, - deya ta’kidlagan ekspert.

• Kim Chen In
• Shimoliy Koreya