Ukraina hukumatida Rossiya tomoni talablarini bajarish orqali Ukraina energetika obektlariga zarba berish bilan bog‘liq vaziyatni hal qilish va xalq azobiga chek qo‘yish uchun barcha imkoniyatlar bor. Bu haqda Rossiya prezidenti matbuot kotibi Dmitriy Peskov aytib o‘tdi.

“Ukraina rahbariyati vaziyatni (Ukraina energetika ob’ektlariga hujumlar bilan bog‘liq – tahr.) normal holatga keltirish uchun barcha imkoniyatlarga ega, buning uchun, Rossiya tomoni talablarini bajarishi kerak xolos. Shunda, mahalliy aholi uchun har qanday azob-uqubatlarni to‘xtatish mumkin”, dedi Peskov jurnalistlarning Ukraina bilan bog‘liq vaziyat haqidagi savoliga javoban.

Ma’lumot uchun, Rossiya Qurolli Kuchlarining Ukraina infratuzilmasiga hujumlar joriy yilning 10-oktabr kuni – Qrim ko‘prigida sodir etilgan teraktdan ikki kun o‘tib boshlandi. Uning ortida, Rossiya rasmiylariga ko‘ra, Ukraina maxsus xizmatlari turibdi. Zarbalar Xarkov va Kiyevdan Lvov va Ivano-Frankivskgacha bo‘lgan butun mamlakat bo‘ylab energetika, mudofaa sanoati, harbiy qo‘mondonlik va aloqa ob’ektlariga o‘tkazilmoqda.

O‘shandan beri Ukraina hududlarida har kuni, ba’zan butun mamlakat bo‘ylab havo hujumi haqida ogohlantirishlar e’lon qilindi. Vladimir Zelenskiy 1-noyabr kuni Ukrainadagi energetika infratuzilmasining 40 foizga yaqini shikastlangani, bu esa elektr taʼminotida katta uzilishlarga olib kelganini aytdi.

• Peskov
• Rossiya
• Ukraina