Kiyevda havo hujumi haqida ogohlantirish e’lon qilindi, deb xabar qildi Ukraina poytaxti shahar ma'muriyati.

“Diqqat! Kiyevda havo hujumi haqida ogohlantirish e'lon qilindi! Biz barchani zudlik bilan fuqaro muhofazasi boshpanasiga borishni so‘raymiz”, deyiladi ma'muriyatning Telegram-kanalidagi xabarda.

Shu bilan birga, onlayn havo hujumi xaritasiga ko‘ra, sirenalar markaziy Ukrainaning bir qator mintaqalarida ham yangradi: Cherkasi, Poltava, Kirovohrad va Dnepropetrovsk viloyatlari. Sharqda, Xarkov viloyatida va Kiyev nazorati ostidagi DXR va Zaporojye viloyati hududlarida signal eshitiladi.

Ma’lumot uchun, Rossiya Qurolli Kuchlarining Ukraina infratuzilmasiga hujumlar 10-oktabr kuni – Qrim ko‘prigida sodir etilgan teraktdan ikki kun o‘tib boshlandi, uning ortida, Rossiya rasmiylariga ko‘ra, Ukraina maxsus xizmatlari turibdi. Zarbalar butun mamlakat bo‘ylab energetika, mudofaa sanoati, harbiy qo‘mondonlik va aloqa ob’ektlariga berilgan. O‘shandan beri Ukraina hududlarida har kuni, ba’zan butun mamlakat bo‘ylab havo hujumi haqida ogohlantirishlar e’lon qilindi.

• Ogohlantirish
• Ukraina