Zaxar Prilepin sobiq SSSR hududlarini Rossiya federatsiyasiga qo‘shib, uning aholisiga rus tilini o‘rgatishni taklif qildi.

U Moskvada o‘zining “qo‘mondonlar kengashi” faoliyati to‘g‘risida matbuot anjumani o‘tkazgan. Unda kelajak rejalari haqida gapirib, Putinning beshinchi prezidentlik muddatiga nomzodligini qo‘llab-quvvatlagan va tarafdorlarining savollariga javob bergan. Ulardan biri demografiya muammolari va muhojirlar bilan ziddiyatlarga bag‘ishlangan. Prilepinning ta’kidlashicha, ushbu muammolarni hal qilish uchun ko‘proq bolalar tug‘ilishi kerak: “ruslar qancha ko‘p bo‘lsa, o‘zlarini noto‘g‘ri tutgan odamlar bilan bog‘liq muammolar shunchalik kam bo‘ladi”.

U so‘zlariga qo‘shimcha qilar ekan, ruslar Kiyevda g‘alaba qozonib parad o‘tkazganidan so‘ng O‘zbekistonni bemalol bosib olishi mumkinligini, bunga hech kim qarshilik qila olmasligini ta’kidlagan.

• Kiyev
• Rossiya