Samarqand yaqinida, qadimiy Kofirqal’a shahrida olib borilgan arxeologik qazilmalar orasidan topilgan VIII asrga doir noyob bo‘rtma pannoning tarkibiy restavratsiyasi tugatildi.

Kofirqal’ani o‘rganish paytida yong‘indan zarar ko‘rgan taxt xonasi topilgan bo‘lib, u yog‘och panellar bilan bezatilgan bo‘lgan. Tadqiqotchilarning ta’kidlashicha, aynan yong‘in pannolarning saqlanib qolishini ta’minlagan, agar u sodir bo‘lmaganida bu vaqtga kelib yog‘ochlar chirib ketgan bo‘lardi.

Ma’lum qilinishicha, kamida 1300 yillik tarixga ega ushbu bebaho artefakt Madaniyat vazirligi huzuridagi Madaniyat va san’atni rivojlantirish jamg‘armasi va Luvr muzeyi mutaxassislari hamkorligida qayta tiklangan. Endilikda u Luvr muzeyida o‘tkaziladigan ko‘rgazmada eksponatlar safidan joy oladi.

• Samarqand
• artefakt