Qaror “Uy-joy” kodeksining 12-moddasi hamda “Mahalliy davlat hokimiyati to‘g‘risidagi” qonun 6-moddasi talabiga asosan qabul qilingan.

Buxoro Kogon shahrida fuqaro savdo do‘konini hokimlikka “beg‘araz” topshirish to‘g‘risida ariza yozgan. Shuningdek, shahar hokimi Hayot Davlatovning savdo-do‘koni binosini hokimlik balansiga qabul qilish to‘g‘risidagi qarori qabul qilingan. 

Unga ko‘ra, Fuqaro X.Rashidovaning 6-dekabr kuni o‘ziga shaxsiy mulk sifatida tegishli bo‘lgan Kogon shahar bosh bekati hududidagi savdo do‘koni Kogon shahar hokimligiga beg‘araz topshirishi to‘g‘risidagi yozgan arizasi ma’lumot va ijro uchun qabul qilingan.

Qayd etilishicha, qaror “Uy-joy” kodeksining 12-moddasi hamda “Mahalliy davlat hokimiyati to‘g‘risidagi” qonun 6-moddasi talabiga asosan qabul qilingan.

Shahar hokimi o‘rinbosari A.Aminov, shahar hokimligi bosh hisobchisi G.Nishonova, “Kogon uy-joylar va noturar joylardan foydalanish va hisobga olish” davlat unitar korxonasi rahbari J.Ishanqulovga Kogon shahar bosh bekat hududidagi hajmi 60 metr kvadrat bo‘lgan savdo do‘konni notarial idorasi bilan birgalikda qabul qilish topshirilgan.

• Buxoro
• hokim