Ommaviy axborot vositalarining ayrim manbalariga ko‘ra 26-oktyabr kuni prezidentning sobiq matbuot kotibi Komil Allamjonov qurolli hujumga uchragan. 

Ma’lum bo‘lishicha, mahalliy vaqt bilan tungi soat 1:30 lar atrofida ikki noma’lum shaxs Allamjonovning Toshkent viloyati Qibray tumanidagi uyi yaqinida u o‘tirgan mashinaga bir necha bor o‘q uzgan. Hodisada Allamjonov va haydovchisining zarar ko‘rmagani, hujum uyushtirgan shaxslar voqea joyidan yashirinishga muvaffaq bo‘lgani aytiladi.

Huquq-tartibot idoralaridagi manbalar hozirda Qibray tumani va Toshkent shahrida hujumchilarni qo‘lga olish va shaxsini aniqlash yuzasidan yirik amaliyot bajarilayotgani aytilmoqda.

Hodisa yuzasidan hozircha rasmiy ma’lumot yo‘q.

Qibray ko‘chalarida favqulodda holat ekani, ichki ishlar va boshqa xizmatlarning davlat raqamidagi mashinalari ko‘pligi, ayrim ko‘chalar yopib qo‘yilganini hodisa yuz bergan hududga yaqin yashashini aytgan qibraylik tadbirkor ham tasdiqlagan.

• Komil Allamjonov
• suiqasd