31°
Kechasi 18°
Keyingi haftada jinoyat ishlari bo‘yicha Toshkent shahar Shayxontohur tumani sudida “Kompromatuzb ishi” ko‘rila boshlaydi. Bu haqda inson huquqlari faoli Abdurahmon Tashanov xabar berdi.
Qayd etilishicha, Bosh prokuratura tomonidan tasdiqlangan ayblov xulosasiga ko‘ra, 4 nafar shaxs — Human.uz sayti asoschisi va muharriri Xurshid Daliyev, Mehnat munosabatlari va bandlik vazirligi matbuot kotibi Mavjuda Mirzayeva, “O‘zbekneftgaz” AJ matbuot kotibi Siyovush Hoshimov va fuqaro Ahmadullo Ahmadjonovlar JKning 165-moddasi 3-qismi (Tovlamachilik) va 243-moddasi (Jinoiy faoliyatdan olingan daromadlarni legallashtirish) bilan ayblanishmoqda.
“Hozircha sud kuni belgilanmagan. Qoidaga ko‘ra, mahkamaga raislik qiluvchi sudya kompyuter dasturi bo‘yicha tasodifiy tanlanadi. Sud ochiq yoki yopiq o‘tkazilishi aniq emas”,– deyiladi xabarda.
O‘zbekiston Respublikasi DXX Tergov boshqarmasi tomonidan olib borilgan tergov harakatlari davrida jinoyat ishining boshqa ishtirokchilariga oid qismi O‘zbekiston JPK talablari asosida alohida ish yurituviga olingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
