O‘zbekiston gidrometeorologiya xizmati ma’lumotlariga ko‘ra, 2025-yilning 8-martidan 14-martigacha bo‘lgan davrda Toshkentda o‘rtacha sutkalik harorat 11,6 darajadan (minimal – 9 daraja 8 martda, 14-martda maksimal – 13,1 daraja) bo‘lgan.

O‘zbekiston Respublikasi Vazirlar Mahkamasining 2014-yil 15-iyuldagi “Ko‘p qavatli uylarda issiqlik ta’minoti xizmati ko‘rsatish tartiblari to‘g‘risida”gi 194-son qaroriga ko‘ra, o‘rtacha sutkalik havo harorati ketma-ket besh kun mobaynida 8 daraja darajada saqlanib tursa, isitish mavsumi yakunlanadi. Ushbu qarorga asoslanib, Toshkent shahri hokimligi tez orada 2024–2025-yillar uchun isitish mavsumini yopish haqida qaror qabul qiladi.

Ma’lum qilinishicha, isitish mavsumi yakunlangach, keyingi mavsumga tayyorgarlik ko‘rish ishlarining muhim bosqichi boshlanadi.

“Veolia Energy Tashkent” MChJ XK kompaniyasi yilning sovuq mavsumida issiqlik ta’minoti yanada barqaror va sifatli bo‘lishi uchun issiqlik tarmoqlari, mahalliy qozonxonalar va nasos stansiyalarida joriy hamda kapital ta’mirlash ishlarini olib boradi.

“Kvartiralar egalari esa xonadondagi batareyalar yaxshi holatda bo‘lishiga e’tibor qaratishlari kerak, chunki keyingi isitish mavsumidagi qulaylik shunga bog‘liq bo‘ladi. Biz xonadoningiz yilning sovuq davrida issiq va shinam bo‘lishi uchun isitish radiatorlarini yuvdirishni tavsiya qilamiz”, – deydi Veolia Energy Tashkent.

• Qish mavsumi