Joriy yilning yozida Koreya bojxona xizmati O‘zbekiston Bojxona qo‘mitasining Milliy kinologiya markazidan 3 bosh “Labrador” zotli xizmat itlarini xarid qilgan. Bu haqda Qo‘mita matbuot xizmati xabar bermoqda.

Qayd etilishicha, 2022-yilda Bojxona qo‘mitasi raisi A.Mavlonov boshchiligidagi delegatsiya Koreyada bo‘lib, ushbu davlatning bojxona xizmati rahbarlari bilan kinologiya sohasidagi hamkorlikni yo‘lga qo‘yish bo‘yicha hamkorlik o‘rnatgan.

Yuqoridagi 3 ta it mazkur hamkorlik doirasida yetkazib berilgani bois ularning narxi ochiqlanmasligi ko‘zda tutilgan.

Koreya bojxonasida O‘zbekistonda o‘rgatilgan xizmat itlaridan foydalanish tarixda ilk bor amalga oshirilmoqda. Milliy kinologiya markazida tayyorlangan xizmat itlarini kelgusida boshqa xorijiy mamlakatlarga ham eksport qilish rejalashtirilgan.

• Bojxona
• Hamkorlik
• Koreya