14 iyun kuni Ko‘ksaroy qarorgohida mamlakatimizga davlat tashrifini amalga oshirayotgan Koreya Respublikasi Prezidenti Yun Sok Yolni tantanali kutib olish marosimi bo‘lib o‘tdi. Bu haqda Prezident Matbuot kotibi xabar berdi.

Qayd etilishicha, qarorgoh oldidagi maydonda ikki davlat bayroqlari ko‘tarilgan va faxriy qorovul saf tortgan.

“O‘zbekiston Respublikasi Prezidenti Shavkat Mirziyoyev oliy martabali mehmonni samimiy qarshi oldi va shohsupaga taklif qildi. Davlat madhiyalari yangradi.

Harbiy orkestr sadolari ostida yetakchilar faxriy qorovul safi oldidan o‘tdilar hamda rasmiy delegatsiyalar a’zolarini bir-birlariga tanishtirdilar”, deyiladi xabarda.

Shuningdek, birgalikda suratga tushilgandan so‘ng tor doiradagi muzokaralar boshlangan.

• Koreya
• Mirziyoyeva