Koreyada bo‘lib turgan O‘zbekiston fuqarosi koronavirusning yangi – omikron shtammini yuqtirib oldi.

The Korea times nashrining yozishicha, Nigeriya davlatidan vataniga qaytgan ikki nafar korealik fuqaroni ularning do‘sti – o‘zbekistonlik fuqaro kutib oladi va ularni uylariga eltib qo‘yadi.

Safardan qaytgan ikki koreyalik topshirgan test natijalari ijobiy chiqqach, o‘zbekistonlik fuqaro ham koronavirus yuqtirganlikda gumonlanib, test tahlilini topshiradi.

29-noyabr kuni chiqqan test javobi O‘zbekiston fuqarosi ushbu uchrashuvda koronavirusning yangi shtammini yuqtirib olganini ko‘rsatgan. Shuningdek, uning oilasi a’zolarida ham koronavirus infeksiyasini yuqtirganlik holati qayd etilgan. Shifokorlar ular ham omikron shtammini yuqtirgan bo‘lishini taxmin qilishmoqda.

25–29-noyabr kunlari oralig‘ida ushbu fuqarolar 500dan ortiq odamlar bilan aloqada bo‘lishga ulgurgan.

Jumladan, o‘zbek fuqarosi bu vaqt oralig‘ida 400 nafar kishi ibodat qilgan masjidga ham borgan.

Natijada masjidga kelgan fuqarolar ham tibbiy tekshiruv majburiy o‘tkazilgan.

• koronavirus