Buyuk Britaniyaning Sog‘liqni saqlash vazirligi ta’kidlashicha, o‘tkazilgan ma’lumotlar tahlili natijasida COVID-19 vaksinalari homiladorlar uchun hech qanday ziyoni yo‘qligi aniqlangan.

Shuningdek, agentlik emlangan va emlanmagan onalar o‘rtasida o‘lik va erta tug‘ilishning o‘xshash ko‘rsatkichlarini qayd qilgan. 2021-yil aprel oyining o‘rtalaridan boshlab bo‘lajak onalarga vaksinaning Pfizer-BioNTech yoki Moderna turlari taklif qilingan va ikkinchi dozani birinchisidan 8 hafta o‘tgach olish tavsiya etilgan edi.

O‘tgan yanvar va avgust oylari orasidagi hisobotlar deyarli bir xil ko‘rsatkichni aks ettirgan. Ayni paytda keltirilgan tadqiqotlar shuni ko‘rsatadiki, kasalxonaga virus bilan yotqizilgan har beshta ayoldan biri farzandini erta tug‘moqda va bu chaqaloqlarning  ba’zilari maxsus intensiv terapiyaga muhtoj.

Navbatdagi dalillar shuni ko‘rsatadiki, agarda ayol homiladorlik paytida COVID-19’ga chalinsa, chaqaloqning o‘lik tug‘ilish xavfi yuqori. Buni yengish uchun hali emlanmagan har bir homilador ayol o‘ziga nisbatan ishonch his qilishi va bu paytda iloji boricha ijobiy narsalarni o‘ylash kerakligi tavsiya qilingan. Natijada, bu jiddiy oqibatlarga olib kelishidan saqlashi mumkin.

• Vaksina
• Xorij
• koronavirus