Davlat rahbarlari koronavirusga qarshi vaksinalarning tarqalishini tezlashtirishi va aholining aksariyat qismi emlanishini ta’minlashi kerak. Bu haqida Jahon Sog‘liqni Saqlash Tashkiloti (JSST) bosh direktori Tedros Adanom Gebreyesus brifing chog‘ida aytib o‘tgan.

Xalqaro tashkilot rahbari 2022-yilning 1-iyuliga qadar dunyo aholisining aksariyat qismini – kamida 70 foizini emlashni yakunlash zarurligini ta’kidlagan. Gebreyesusning fikricha, ushbu chora dunyo aholisiga COVID-19 pandemiyasining o‘tkir bosqichidan o‘tib olishga imkon beradi.

Avvalroq, JSST rahbari omikron shtammining tarqalish tezligidan xavotir bildirgan edi. Uning ta’kidlashicha, yangi mutatsiya koronavirusning boshqa variantlariga qaraganda tezroq tarqaladi va emlanganlar uchun xavf tug‘dirishi mumkin.

Shuningdek, Gebreyesus omikron shtammidan himoyalanish uchun ommaviy bayramlarni bekor qilishga qarshi chora-tadbirlarni ko‘rishga chaqirgan.

• JSST
• koronavirus