Ma’lumotlarga ko‘ra, koronavirusning yangi shtammi 1 hafta oldin Yevropada kuzatilgan. Jumladan, yangi mutatsiya joriy yilning 24-noyabrida Janubiy Afrikada paydo bo‘lgani haqida xabar berilgan edi. Ammo, Niderlandiyaning sog‘liqni saqlash instituti kasalxonasida 19-23-noyabr oralig‘ida davolanayotgan bemorlardan virusning yangi variant namunalarini aniqlaganini ma’lum qildi.

Braziliyada esa mazkur holat Janubiy Afrikadan kelgan ikki nafar sayohatchida aniqlangan. Qayd etilishicha, Braziliyada pandemiya boshlangandan beri jami 600 mingdan ziyod o‘lim holati kuzatilgan.

Shuningdek, Yaponiyada ham chet elga chiqib kelgan Namibiya diplomatida virus belgilari kuzatilgan.
Xabarda keltirilishicha, Yaponiya va Braziliya mamlakatda qator cheklovlarni joriy qilish arafasida turibdi.

Tadqiqotchilarning izlanishiga ko‘ra, koronavirusning yangi “Omikron” shtammi haqida ko‘p narsalar hali hanuz noma’lumligicha qolmoqda. Ya’ni, yuqumlilik darajasi, odamlarga qay tarzda ta’sir qilishi va vaksina bilan oldini olish ko‘rsatkichi yuzasidan izlanishlar olib borilmoqda. 

Jahon sog‘liqni saqlash vazirligi Janubiy Afrika va unga qo‘shni davlati Botsvanada kasallanish soni ortib borayotganini hisobga olib, tez orada Afrikaning janubiy qismlarida infeksiya keskin ko‘tarilishi mumkinligi haqida ogohlantirgan. 

• Vaksina
• Xorij
• koronavirus
• salomatlik