Prezident Shavkat Mirziyoyev raisligida o‘tkazilayotgan videoselektorda agar tomchitalib sug‘orishni joriy etish sohasida erkin raqobat bo‘lsa, ilm bilan yondashilsa, ushbu texnologiyani joriy etish xarajatini gektariga 15–20 million so‘mga bemalol tushirish mumkinligi, hozirda ko‘rsatkich 27 million so‘m ekani qayd etildi.

“Lekin, katta fojia – ayrim rahbarlar bu ezgu islohotga o‘ziga yaqin ta’minotchilar va bilimsiz odamlarni aralashtirayapti. Shu orqali korrupsiya boshlangani haqida menda yetarli ma’lumotlar bor”, deydi Prezident.

Moliya va Suv xo‘jaligi vazirliklariga bir hafta muddatda:

- yangi ishga tushirilgan elektron portalga hamma ta’minotchilarni kiritish;

- taklif qilinayotgan suv tejovchi texnologiyalar narxi va xizmatlar sifatini baholab boradigan shaffof tizim yaratish topshirildi.

Ta’kidlanishicha, bunda eng maqbul shartlar va narxlarni fermerlarning o‘zi tanlaydi.

Ishlab chiqaruvchi esa kamida 3 yil fermerga servis xizmatini ko‘rsatishni kafolatlashi shart.

Yig‘ilishda klasterlar hamkor fermerlari bilan birga olgan daromadidan bir qismini jamg‘arib, ichki irrigatsiya tizimini yaxshilashni ham yo‘lga qo‘yishi kerakligi ko‘rsatib o‘tilgan.

• Korrupsiya
• Prezident
• Shavkat Mirziyoyev
• Videoselektor