Endilikda korrupsiyaga oid huquqbuzarliklar to‘g‘risida axborot berayotgan shaxslarning qarindoshlari ham davlat himoyasida bo‘ladi. 

Mazkur tartib joriy yil 18-noyabrda imzolangan “O‘zbekiston Respublikasining korrupsiyaga qarshi kurashish tizimini takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonunda belgilab qo‘yildi.

Shuningdek, mazkur qonun bilan Korrupsiyaga qarshi kurashish agentligi xodimlari korrupsiyaviy huquqbuzarliklar sodir etilishini o‘rganish va tahlil qilish uchun jazoni ijro etish muassasalariga moneliksiz kirishga, hujjatlar bilan tanishishga haqli ekanligi belgilandi.

Korrupsiyaga qarshi kurashish agentligi tomonidan har yili korrupsiyaga qarshi kurashish to‘g‘risidagi milliy ma’ruzani Oliy Majlisga taqdim etadi.

Ma’lumot uchun, ilgarigi tartibga ko‘ra faqat korrupsiyaga oid huquqbuzarliklar haqida xabar bergan shaxslargina himoyaga olinar edi.

Qonun rasmiy e’lon qilingan kundan e’tiboran kuchga kiradi.

• Korrupsiya