26-noyabr kuni AOKAda Oliy va o‘rta maxsus taʼlim vazirligi mutasaddilari va OAV ishtirokida  “Oliy taʼlim sohasida “korrupsiyasiz soha” loyihasini amalga oshirish holati yuzasidan” mavzusida matbuot anjumani bo‘lib o‘tdi. 

Tadbirda Xabardor.uz muxbiri vazirlik mutasaddilaridan oliy ta‘limda korrupsiyaviy holatlarga yo‘l qo‘yganlarga belgilangan jazolar haqida so‘radi.

-Korrupsion holatlarga yo‘l qo‘yadigan professor o‘qituvchi umuman Oliy ta‘limda ishlamasligi kerak. Vazirligimizning qat‘iy pozitsiyasi xuddi shunday. Korrupsion holatga yo‘l qo‘ydimi, bunday o‘qituvchiga bu yerda joy yo‘q.

Hozirgi paytda professor o‘qituvchilarning o‘rtacha oyligi 11-13 mln. atrofida. Agar shu sharoit va oyliklarda ham korrupsiyaga yo‘l qo‘yilsa, chidab o‘tirishimiz kerak emas, - dedi Oliy va o‘rta maxsus ta‘lim vaziri o‘rinbosari Rahimjon Xakimov.

• Korrupsiya
• Ta'lim
• Vazirlik