Korolev nomidagi Samara universiteti olimlari kosmik sharoitlarning tirik organizmlarga ta’sirini o‘rganish va Rossiya orbital stansiyasining xavfsizligini baholash maqsadida 2-sonli “Bion-M” orbital laboratoriyasi bortida koinotga jo‘natiladigan 20 turdagi noyob o‘simliklar urug‘ini tayyorladi. Bu haqda “TASS” agentligi  xabar berdi.

“Universitetning botanika bog‘i mutaxassislari 2-sonli “Bion-M” orbital laboratoriyasi bortida tajribada ishtirok etish uchun koinotga yuboriladigan noyob o‘simliklar urug‘lari partiyasini tanlab oldilar”, — deyiladi universitet matbuot xizmati xabarida.

Rossiya va Samara viloyatining Qizil kitobiga kiritilgan o‘simliklarning 20 turi tanlab olindi. Ular orasida 2013-yilda birinchi Bion-M laboratoriyasida koinotda bo‘lgan urug‘lardan yetishtirilgan o‘simliklarning urug‘lari ham bor.

Universitet botanika bog‘i mutaxassislari ta’kidlashicha, eksperimentning o‘ziga xosligi shundaki, uning obyekti tabiiy floraning noyob o‘simliklari urug‘lari hisoblanadi. Ular turli ta’sirlarga chidamli qishloq xo‘jaligi ekinlaridan farqli o‘laroq, birinchi marta koinotga yuboriladi.

• kosmos