NATO Bosh kotibi Yens Stoltenberg kecha, 3-avgust kuni Serbiya prezidenti Aleksandr Vuchich bilan telefon orqali muloqot qildi. Bu haqda Stoltenbergning o‘zi ijtimoiy tarmoqdagi posti orqali ma’lum qildi.

Qayd etilishicha, alyans bosh kotibi Vuchichga Kosovoda barqarorlikka tahdid tug‘ilsa, NATO missiyasining bir qismi sifatida KFOR (Kosovo uchun kuchlar) vaziyatga aralashishini aytgan.

“Ikkala tomon ham Yevropa Ittifoqi vositachisi bilan muloqotda konstruktiv ishtirok etishi va kelishmovchiliklarni diplomatik yo‘l bilan bartaraf etishi kerak. Agar barqarorlik xavf ostida qolsa, NATO-KFOR kuchlari vaziyatga bevosita aralashishga tayyor”,– deydi Stoltenberg.

Shuningdek, NATO bosh kotibi Kosovo Bosh vaziri Albin Kurti bilan ham telefon orqali muloqot qilgan va u barcha tomonlarni xotirjamlikni saqlashga va bir tomonlama harakatlardan qochishga chaqirgan.

Ma’lumot uchun, KFOR – “Kosovo uchun kuchlar” deb ataladi. KFOR kuchlari BMT Xavfsizlik Kengashining 1244-sonli rezolyutsiyasiga muvofiq tashkil etilgan.  1999 -yil 12-iyun kuni Kosovoga kirib kelgan .

• KFOR
• Kosovo
• NATO