“Binance” kripvalyutalar birjasi bosh direktori Chanpen Chjao kriptovalyutada eng boy odamga aylandi.

Uning raqamli aktivlarini hisobga olmaganda 96 milliard AQSh dollar boyligi borligi aniqlandi.
Ma’lum qilinishicha, Chjao hindistonlik biznes-magnat Mukesh Ambani ortda qoldirdi. Chjaoning boyligi sezilarli darajada kattaroq bo‘lishi mumkin. Kompaniyaning “Binance Coin” deb ataladigan kripto-puli o‘tgan yili taxminan 1300 foizga oshgan.

Shuningdek, Xitoydan chiqarib yuborilgan ushbu kompaniya butun dunyo bo‘ylab tartibga soluvchi tekshiruvlarga duch kelmoqda. Yirik soliq va moliyaviy institutlari Changpeng Chjao kriptovalyutalar kompaniyasini tekshirmoqda.

“Binance”ning kelajagi uning global regulyatorlar bilan murosa qila olishi va shtab-kvartirasini joylashtirish uchun mos joy topa olishiga bog‘liq bo‘lishi mumkin. Bu orqali kripto-milliarderning boyligi yana bir necha karra oshishiga guvoh bo‘lish mumkin bo‘ladi.

“Men anarxist emasman’,– degan u forum yig‘ilishida. “Men insoniyat sivilizatsiyasi qoidalarsiz dunyoda yashash uchun yetarlicha rivojlanganiga ishonmayman”.

Dunyoda kriptovalyutaga asoslangan boyliklar va raqamli tokenlar qiymati ortib bormoqda. Ularning umumiy qiymati joriy yil boshida 2,09 trillion AQSh dollarni tashkil etgan. Bu raqam uch yil oldin 135 milliard AQSh dollarga teng edi.

• Jahon
• milliarderlar