Alisher Usmonov va Irina Vinerning ajrashishga qaror qilganlari haqidagi xabar koʻpchilikni hayratga soldi. Qariyb 50 yildan ortiq vaqtni birga oʻtkazgan juftlikning ajrashishga qaror qilgani koʻplab muxlislarni, jumladan telejurnalist Kseniya Sobchakni ham hayratga soldi.

“Men Alisher Usmonovning Irina Vinerga qanchalar hurmat bilan muomala qilishiga koʻp marta guvoh boʻlganman. Ularning munosabatlari ishonch va nozik his-tuygʻular ustiga qurilgan edi. Shuni ishonch bilan ayta olmaganki, ular har qanday holatda ham mana shunday munosabatni saqlab qolishni uddalashadi, chunki sevgi-ehtiros boshqa, doʻstlik boshqa. Yillar davomida birga umr kechirgan juftliklarning hammasi ham bir-biriga bunday hurmat koʻrsatishni uddalolmaydi”, dedi jurnalist.

Rossiyalik taniqli sportchi Lyaysan Utyasheva esa Alisher Usmonov va Irina Vinerning yoshlik yillarini esga oldi.

“Bu ikkita kuchli insonning betakror muhabbat qissasi. Bu har bir kuchli ayol orzu qiladigan hikoya, erkak kishi rafiqasiga sevimli ishi bilan shugʻullanishi uchun 10 soatlab ishlashiga ruxsat bergan holat. Bu soʻzsiz muhabbat.

Men 20 yil avval uning (Alisher Usmonov, – tahr.) mashgʻulotlar vaqtida Irinani chalgʻitmaslik uchun zalga sekin kirib kelganini koʻrardim. Irina nimadir degandan keyin u kutib turardi. Men eng badavlat insonlardan biri kamtarlik bilan bir chetda turishini koʻrardim. Keyin ular baxtli qiyofada birga chiqib ketishardi”, deydi sportchi.

Maʼlumotlarga koʻra, ajrashish uchun Alisher Usmonov ariza bergan. Ikki tomon advokatlari iyun oyi boshlarida sudda uchrashishadi. Irina Viner ajrim jarayoni ortiqcha shov-shuvsiz oʻtishi, bu masalada turmush oʻrtogʻi bilan kelishib olganini aytgan. Ularning nima sababdan ajrashishga qaror qilganlari esa nomaʼlum.

• Ajrim
• Alisher Usmonov
• mashhurlar
• milliarderlar