Avvalroq, Ispaniyaning La Palma orolidagi Kumbre-viexa vulqoni uygʻongani haqida xabar berilgan edi.

Euronewsning maʼlum qilishicha, vulqon oqimi davom etayotganligi tufayli aviakompaniyalar qator reyslarni bekor qilishni boshlagan. 

“Afsuski, biz La Palmaga 2021-yil 15-dekabrgacha uchadigan barcha reyslarni bekor qilishga majbur boʻldik”, — deya bayonot bergan TUI.

Shuningdek, 2021-yil 27-noyabr kuni lava uchqunlari 3,5 ming metr balandlikka koʻtarilib, bunga boʻron qoʻshilishi tufayli ob-havo mahalliy biznes va turizmga sezilarli darajada ziyon yetkazgan.

Tadqiqotchilarning taʼkidlashicha, 2021-yil, 19-sentyabrda boshlangan portlash yana 3 oygacha davom etishi mumkin. National Geographic instituti maʼlumotlariga koʻra, oxirgi 24 soat ichida jami 44 ta zilzila hodisasi qayd etilgan va 340 gektardan ortiq dehqonchilik maydoniga zarar yetkazgan.

Bundan tashqari, lava dengiz bilan toʻqnashganda kimyoviy reaksiyalarga kirishishni boshlashi va havoda zaharli gazlarni paydo qilishi mumkinligi aytilgan. Shu boisdan, aholiga oʻzini zaharli tumandan himoya qilish uchun niqob kiyib yurish, jumladan, uyda qolish haqida koʻrsatmalar berilgan.

• Tabiiy ofat
• Xorij