Latviya hukumati rossiyalik xonanda Filipp Kirkorov, badiiy gimnastika boʻyicha murabbiy, Alisher Usmonovning rafiqasi Irina Viner-Usmonova, qiziqchi Yevgeniy Petrosyanni “qora roʻyxat”ga kiritdi. Bu haqida mamlakatning Tashqi ishlar vaziri Edgards Rinkevichs maʼlum qilgan. Uning aytishicha, ushbu holatga tilga olib oʻtilgan taniqli shaxslar tomonidan Rossiyaning Ukrainadagi harbiy harakatlari qoʻllab-quvvatlangani sabab boʻlgan.
Rinkevichs “qora roʻyxat”ga tushgan shaxslar Latviya hududiga kira olmasliklarini ma'lum qilgan. Hukumat Rossiya fuqarolari uchun ham qator sanksiyalar joriy etgan. Misol uchun, joriy yilning aprel oyida Latviyada Rossiya va Belorusiya fuqarolariga 2023-yilning 30-iyun sanasiga qadar yashash huquqini olish imkoniyati bekor qilingan.
Avvalroq, Latviya hukumati Polina Gagarina, Mixail Boyarskiy, Sergey Bezrukov, Timati kabi koʻplab mashhur yulduzlarni ham Rossiyaning Ukrainadagi harbiy harakatlarini qoʻllab-quvvatlagani uchun “qora roʻyxat”ga kiritgan edi.
Filipp Kirkorov va Polina Gagarina esa kelgusi 5 yil ichida Estoniya hududiga kirish imkoniyatidan mahrum boʻlganlar.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!