Toshkent shahridagi Jinoyat ishlari bo‘yicha Mirobod tuman sudida bloger Miraziz Bozorovga nisbatan jinoyat ishi 20-yanvar kuni soat 11:00 da ko‘rib chiqish boshlandi.

Unga ko‘ra, ochiq sud muhokamasi sudya Sardorbek Sodiqov raisligida bo‘lib o‘tishi kerak.
Jabrlanuvchilar sifatida Shuhrat Zoyir o‘g‘li Musayev (bloger), Abror Muxtoraliyevich Abduazimov (O‘zbekiston musulmonlari idorasi xodimi), Dmitriy Abdukarimovich Rasulov va Jahongir Zohidjonovich Salimovlar ko‘rsatilgan.

Ma’lumot uchun, Miraziz Bozorov 2021-yil 28-mart kuni o‘z uyi oldida kaltaklangan edi. Unda bir necha jarohat va sinishlar qayd etilgan. Shu kuni u “anime va K-pop” muxlislarini poytaxt markaziga yig‘ilishga chaqirgan.

Aytish joizki, Miraziz Bazarov sudda 2021-yil bahorida qo‘zg‘atilgan uchta jinoiy ish bo‘yicha qatnashadi. Bir holatda unga nisbatan O‘zbekiston Jinoyat kodeksining 139-moddasi 3-qismi “d” bandi (“Gʻarazgo‘ylik yoki boshqa past niyatlarda tuhmat qilish”) bilan ayblangan. Yana ikkita jinoiy ishda u guvoh va jabrlanuvchi sifatida ishtirok etishi qayd etilgan. U o‘tgan yil aprel oyi oxirida Bazarov uy qamog‘iga olingan, iyul oyida muddat sentyabr oxirigacha uzaytirilgan edi.

• Bloger
• Sud