Angliyaning shimoli-g‘arbida joylashgan Liverpul shahrida taksi haydovchisi xudkush-terrorchi deb o‘ylagan odamini mashinasiga qamab qo‘ydi va shu orqali katta fojeaning oldini oldi. 

Taxminlarga ko‘ra xudkush-terrorchi avvaliga "taksist"dan sobor (cherkov) ga eltishni so‘ragan, ammo yo‘llardagi tiqilinchni ko‘rib niyatidan qaytgan va shifoxonaga boirshni istagan. Yo‘lovchining o‘zini tutishidan xavfsiragan haydovchi uni mashinaga qamagan, so‘ng ayollar shifoxonasi yaqinida portlash yuz bergan.

"Taksichi qahramon, u terrorchini o‘z mashinasiga qamab, Xotirlash kuni ro‘y berishi mumkin bo‘lgan fojeaning oldini oldi" – deydi Mersisayd grafligi polisiyasi. 

Portlashda xudkushning o‘zi o‘lgan, "taksist" esa yengil tan jarohati olgan. Voqea bo‘yicha polisiya qidiruvni boshladi, hozircha 
21, 26, 29 yashar erkaklar terrorizm bo‘yicha ayblanib hibsga olingan.

• Jahon
• Terrorizm