Liviya xalq armiyasi (LXA) namoyishchilarni qo‘llab-quvvatlab, ular tomoniga o‘tdi. Bu haqda LXA rasmiy vakili Ahmad al-Mismariyga tayanib, “TASS ” xabar berdi.

Qayd etilishicha, Liviya xalq armiyasining bosh qoʻmondonligi xalq irodasi va fuqarolar talablarini qoʻllab-quvvatlashini eʼlon qiladi”, - dedi al-Mismariy. Uning so‘zlariga ko‘ra, qo‘mondonlik Liviya inqirozi sharoitida qonuniy talablarni ifodalovchi xalq harakatiga ergashadi.

LXA vakili ta’kidlashicha, Liviya qurolli kuchlari “xalqni tushkunlikka solib qo‘ymaydi va ularni shantaj hamda aralashuvga qarshi himoyasiz qoldirmaydi”. U armiya xalqni “najot va tinchlik, barqarorlik va farovonlik kelajagiga o‘tish rejasini tanlaganida” himoya qilishiga va’da berdi.

Shu bilan birga, al-Mismariy mamlakat fuqarolarini tinch yo‘l bilan namoyishlar o‘tkazishga chaqirdi. Shuningdek, u taʼkidlaganidek, liviyaliklar fuqarolik davlati qurish sari harakat qilish uchun mamlakatni “achchiq haqiqat va mavjud vaziyatning bemaʼniligidan” qutqarish boʻyicha yoʻl xaritasini ishlab chiqishi kerak.

Ma‘lumot uchun, joriy yilning, 1-iyul kuni Liviyaning qator shaharlarida norozilik namoyishlari bo‘lib o‘tdi. Liviya poytaxti Tripoli aholisi ko‘chalarga chiqib, hokimiyatni tarqatib yuborish, mamlakatda favqulodda holat e’lon qilish, elektr ta’minotidagi inqirozni bartaraf etish, prezidentlik va parlament saylovlarini tezlashtirishni talab qildi. Shu kuni namoyishchilar Tobruk shahridagi parlament vakillar palatasi binosiga bostirib kirishdi . Namoyishchilar ofislar, qabulxonalar va mehmon uylarini yoqib yuborgan, hujjatlarni yo‘q qilgan.

• Jahon
• Liviya
• Namoyish