London tarixda birinchi marta jahonning asosiy moliya markazi maqomini yo‘qotdi. Bu haqda “Financial Times” gazetasi London ma’muriyati hisobotiga tayanib xabar bermoqda.

Qayd etilishicha, hozirda Buyuk Britaniya poytaxti Nyu-York bilan birga yetakchilik qilmoqda.

Ikki metropolitenning har biri 60 ball to‘plagan (Londonda avval 59 ball, Nyu-Yorkda esa 58 ball bor edi). London qarz berish, tijorat sug‘urtasi va aktivlarni boshqarish bo‘yicha yetakchilikni saqlab qoldi. Biroq global moliyaviy markaz sifatidagi maqomini saqlab qolish uchun Buyuk Britaniya poytaxti tartibga solishni yaxshilashi va chet eldan malakali ishchi kuchi oqimini ta’minlashi kerak edi.

O‘tgan yili tobora ko‘proq kompaniyalar, hatto Britaniya brendlari Nyu-Yorkda birlamchi ommaviy taklif (IPO) o‘tkazishni afzal ko‘rdilar. Moliyaviy rahbarlar buni AQShda, ayniqsa, bank va sug‘urta sohasida unchalik “qattiq” ishbilarmonlik madaniyati yo‘qligi bilan izohlashmoqda.

2023-yil fevral oyi boshida Xalqaro valyuta jamg‘armasi Buyuk Britaniya iqtisodiyoti uchun jiddiy muammolarni bashorat qildi. Qirollik uchun prognoz Gʻarbning yetakchi davlatlari orasida eng yomoni bo‘lgan.