Tarmoqlarda madaniyat boshqarmasi xodimi unga Yangi yil bayrami munosabati bilan berilgan sovg‘alar 2 ming so‘mdan oshmaydigan, arzon va sifatsiz mahsulotlar ekanini aytgan video tarqaldi.

Madaniyat vazirligi Matbuot xizmati ushbu videoga munosabat bildirdi.

“Ijtimoiy tarmoqlarda tarqalgan videoda Qashqadaryo viloyati madaniyat boshqarmasi Yangi yil bayrami munosabati bilan xodimlariga 2 ming so‘mlik sovg‘alar bergani haqida so‘z boradi. Ushbu holat jamoatchilik o‘rtasida muhokamalarga sabab bo‘ldi.

Ayni paytda holat yuzasidan masʼullar tomonidan joyiga chiqib o‘rganilmoqda. O‘rganish natijalari yuzasidan qo‘shimcha axborot berilishini maʼlum qilamiz”, deyiladi vazirlik xabarida.

• Madaniyat
• Qashqadaryo
• Yangi yil