Prezident farmoni va hukumat qaroriga koʻra, davlat OTMning magistratura bosqichida oʻqiyotgan barcha xotin-qizlarning kontrakt-toʻlovlari qaytarish shartisiz qoplab berilishi belgilangan.

Qayd etilishicha, bu tartib magistratura qishki qabulida toʻlov shartnoma asosida oʻqishga qabul qilingan xotin-qizlarga ham birdek amal qiladi.

“Shu bois, magistraturaga tavsiya etilganlar ushbu imtiyozdan foydalanish maqsadida OTM rahbariyatiga ariza bilan murojaat qilishlari soʻraladi.

Ushbu tartib belgilangan muddatga qadar ariza bermaganlarga, tabaqalashtirilgan toʻlov-kontrakt asosida oʻqishga qabul qilinganlarga hamda nodavlat OTMning magistraturasi uchun tatbiq etilmaydi”, – deyiladi vazirlik axborotida.

• Kontrakt
• Magistratura
• Oliy ta'lim, fan va innovatsiyalar vazirligi
• Xotin-qizlar