2022/2023-yilgi o‘quv yili uchun O‘zbekiston OTMlariga qabul kvotalari tasdiqlandi. Qabul jarayonlarini tashkil etish to‘g‘risida Prezident qarori e’lon qilindi.

Unga ko‘ra, joriy o‘quv yilidan boshlab davlat oliy ta’lim muassasalarida:

- magistraturaga qabul abituriyentning bakalavriat diplom bali o‘rtacha ko‘rsatkichi hamda xorijiy tilni bilish darajasi bo‘yicha tegishli milliy yoki xalqaro sertifikat asosida amalga oshiriladi, mutaxassislik fanidan imtihon o‘tkazilmaydi.

Bunda magistraturaga qabul bir yilda ikki marta – avgust va yanvar oylarida tashkil etiladi.

Shuningdek, magistraturaga qabul ikki marta amalga oshirilganda:

- avgust oyidagi qabul – navbatdagi o‘quv yili uchun tasdiqlangan davlat granti va to‘lov-kontrakt asosidagi kvotalar uchun;

- yanvar oyidagi qabul – yozda to‘lmay qolgan o‘rinlar hamda Davlat qabul komissiyasi tasdiqlangan kontrakt asosidagi qo‘shimcha kvotalar uchun bo‘ladi.

• Magistratura
• OTM
• Qabul komissiyasi