Prezident bugun bo‘lib o‘tgan videoselektor yig‘ilishida aholisi ko‘p qishloqlarda shaharlardagi mavjud xizmatlarni imkon qadar yo‘lga qo‘yish lozimligini ko‘rsatib o‘tdi.

Ma’lum  qilinishicha, mutasaddilarga aholisi 20 mingdan oshadigan 3-4 ta mahalla uchun kamida 1 tadan mahallalararo chakana savdo va xizmat ko‘rsatish markazlarini tashkil etish bo‘yicha loyiha tashabbuskorlarini aniqlash topshirildi.

Ushbu markazlar ham, mikro sanoat markazlari kabi, 5 yil muddatga yer va mol-mulk solig‘idan ozod etilishi belgilandi. Bu orqali viloyat hokimlari mahallalarda ikkinchi chorakda xizmatlar sohasida 140 mingta ish o‘rni yaratishi zarurligi ta’kidlandi.

Ma’lumot o‘rnida, O‘zbekistondagi 2 mingdan ziyod mahalla xizmatlar sohasiga ixtisoslashgan.

• Bandlik
• Mahalla
• Prezident
• Videoselektor