Olbg portali 2021-yil yakunlari boʻyicha bir daqiqalik faoliyatida eng koʻp mablagʻ ishlab topgan sportchilar roʻyxatini eʼlon qildi.
Ushbu koʻrsatkich boʻyicha irlandiyalik UFC jangchisi Konor Makgregor eng yaxshi natijani qayd etdi. Oʻtgan yili Dastin Poryega qarshi ikkita jang oʻtkazgan Konor har ikkala bahsda ham magʻlub boʻldi.
Bu magʻlubiyatlar uchun oktagonda jami uch daqiqa vaqtini oʻtkazgan irland hisob raqamini 22 million dollarga boyitib oldi. Uning bir daqiqada ishlab olgan mablagʻi 8 million 695 ming 652 dollarga toʻgʻri kelyapti. Makgregorga million dollar topish uchun 7 soniya kifoya qildi.
Undan keyingi oʻrinni Saul Alvares egalladi. Meksikalik bokschining bir daqiqalik daromadi 444 ming 444 dollarga toʻgʻri kelyapti. Amerika futboli yulduzlaridan biri Dak Preskott 3-oʻrinni band etdi. Sportchi 2021-yilda oʻynagan oʻyinlarining har bir daqiqasida 325 ming dollar ishlab topgan.
Bu reytingda PSJ yulduzlari – Neymar va Leo Messi 17 hamda 23-oʻrinlarni qoʻlga kiritgan boʻlsa, Krishtianu Ronaldu 25-oʻrinda turibdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!