A.Avloniy nomidagi milliy-tadqiqot instituti tomonidan maktab bitiruvchilarining o‘rta ta’limdan so‘ng kelajak rejalarini qanday tuzishayotganligi to‘g‘risida so‘rovnoma o‘tkazildi. Bu haqda Xalq ta’limi vazirligi ma’lum qildi.

Ushbu so‘rovnoma bilan O‘zbekistonning turli hududlaridan 200 mingga yaqin odam tanishdi va 17 mingdan ortiq respondentlar ovoz berdi.

Tadqiqot natijasida 20,9 foiz bitiruvchilar pedagogika va psixologiya kasbini tanlashini aytishgan, bu jami bitiruvchilarga nisbatan 81 500 nafar bo‘lmoqda. Vaholanki, hozirgi vaqtda respublika maktablarida fanlar (23 ta) bo‘yicha pedagog kadrlarga bo‘lgan jami ehtiyoj 6200 nafarga yaqinni tashkil etmoqda. Natijada 75 300 nafar bitiruvchining taqdiri esa noma’lumligicha qolmoqda?

Ma’lumot o‘rnida, Manpower Group bandlik so‘roviga ko‘ra, dunyo bo‘ylab eng ko‘p talab qilinadigan quyidagi 5 ta kasb aniqlandi:

1. IT dasturiy ta’minot muhandisi;

2. Savdo va marketing;

3. Operasiyalar va logistika;

4. Ishlab chiqarish (tarmoqlar bo‘yicha);

5. Ofisda mijozlar bilan ishlash.

• Maktab
• Xalq ta'limi vazirligi
• Xorij