Andijon viloyati Oltinko‘l tumanidagi 38-maktabda o‘quvchilarni kaltaklagan direktor ishdan olindi. Bu haqda viloyat Maktabgacha va maktab ta’limi boshqarmasi axborot xizmati xabar berdi.

Qayd etilishicha, ushbu maktab 1954-yilda qurilgan bo‘lib, 2006-yilda joriy ta’mirdan chiqarilgan. Bugungi kunda 370 o‘ringa mo‘ljallangan ta’lim muassasasida 475 nafar o‘quvchilar 39 nafar o‘qituvchilardan ta’lim olib kelmoqda.

Holat joriy yilning 30-oktyabr kuni soat 14:30 da maktab sinfxonasida sodir bo‘lib, unda maktab sinfxonasida pirotexnika vositalaridan foydalangan bir guruh o‘quvchi-yoshlarni tartibga chaqirish jarayonidagi maktab direktori M.M.ning xatti-harakatlari tasvirga olingan.

Mazkur holatda maktab direktori M.M. o‘quvchilarga nisbatan pedagogik etika qoidalari doirasida munosabatda bo‘lmaganligi sababli egallab turgan lavozimidan ozod etilib, hozirda tegishli hujjatlar rasmiylashtirilmoqda, deyiladi xabarda.

• Andijon
• direktor