Maktabgacha ta’lim tashkilotlari karantinga yopilmaydi. Bu haqda Maktabgacha ta’lim vazirligi ma’lum qildi.

Shu munosabat bilan vazirlik davlat maktabgacha ta’lim tashkilotlarida Covid-19 pandemiyasi davrida ish faoliyatiga qo‘yiladigan vaqtinchalik sanitariya-gigiyenik talablariga qat’iy rioya etilishini, shuningdek, davlat MTTlarida bayram tadbirlari o‘tkazilishi vaqtinchalik cheklanishini ma’lum qilmoqda.

Bundan tashqari ota-onalar va tashqaridan mehmonlar kirishiga yo‘l qo‘yilmaydi (zarur vaziyatlarda so‘nggi uch kunlik PSR testi va emlanganligi haqida sertifikati bo‘lishi lozim) hamda yig‘ilishlar o‘tkazilishi cheklanadi, zarur hollarda yig‘ilishlarni videokonferensaloqa rejimida o‘tkazish choralari ko‘riladi.

Mazkur cheklovning buzilishiga yo‘l qo‘yilgan taqdirda esa tegishli tartibda javobgarlik choralari (hayfsan, jarima va b.q.) qo‘llaniladi.

• Vazirlik