Bugun Qirg‘iziston poytaxti Bishkekda maktablar onlayn rejimga o‘tkazildi. Bunga havo haroratining keskin tushib ketishi sabab bo‘lgan. Ammo bu rejimga o‘tilganlik to‘g‘risidagi xabar ota-onalarga kech yetkazilgan. Shu sababli qirg‘izistonliklar Ta’lim vazirligi onlayn o‘qish haqida oldindan ogohlantirmaganidan norozi.

“Qirg‘izgidromet” ma’lumotlariga ko‘ra, havo harorati -22 darajani tashkil etgan bo‘lsa-da, ayrim joylarda harorat -29 darajaga yetgan.

Endi qirg‘izistonliklar uch kunlik - chorshanbadan jumagacha masofaviy ta’limda o‘qishadi. Bolalar bog‘chalari odatdagidek ishlashda davom etadi, biroq hoxlasa, bolalar uyda qoldirilishi mumkin, deya xabar bergan Bishkek shahar hokimligi.

• Anomal sovuq
• Maktab
• masofaviy ta'lim