Marg‘ilon shahrida qora Gentra haydovchilari bilan profilaktik suhbat o‘tkazildi, deb xabar bermoqda Farg‘ona viloyati IIB matbuot xizmati.

Ma’lumotlarga ko‘ra, ayni kunlarda Farg‘ona va Marg‘ilon shaharlarida aynan qora rangdagi Gentra haydovchilari tomonidan davlat raqami belgisini yechib olib, harakatlanish holatlari ko‘p uchramoqda.

Mazkur holat yuzasidan YPX inspektorlari tomonidan tegishli tartibda ma’muriy bayonnomalar rasmiylashtirilmoqda.

O‘tkazilgan profilaktik tadbirda viloyat IIB boshlig‘i, general mayor Azizbek Ikramov shaxsan ishtirok etib, Gentra haydovchilari bilan suhbat o‘tkazdi. Unda yuqoridagi kabi holatlarga yo‘l qo‘ymaslik, aks holda haydovchi ma’muriy javobgarlikka tortilishi, avtomashina esa jarima maydoniga olib kirilishi tushuntirildi.

• Farg‘ona
• IIB
• Marg'ilon