Rossiya Prezidenti Vladimir Putin va AQSh prezidenti Donald Tramp o‘rtasida telefon orqali yana bir suhbat bo‘lib o‘tdi. Bu haqda Putinning yordamchisi Yuriy Ushakov ma’lum qildi.
Taxminan bir soat davom etgan muloqot “ishchan va aniq” ruhda kechgan. Ushakovning aytishicha, Tramp yana Ukraina hududidagi harbiy harakatlarni tez orada to‘xtatish zarurligini ta’kidlagan.
Putin esa Rossiya “mojaroni diplomatik yo‘l bilan hal qilishga intilayotganini”, biroq “belgilangan maqsadlarga erishish” niyatida qat’iy qolayotganini bildirgan.
Muloqot chog‘ida, shuningdek, Yaqin Sharqdagi vaziyat ham muhokama qilingan. Qizig‘i shundaki, Putin Trampga Rossiya va AQSh o‘rtasida “an’anaviy qadriyatlarga mos” kinomahsulotlar almashinuvini taklif qilgan.
Rossiya prezidenti, shuningdek, Trampni yaqinlashib kelayotgan Amerika Mustaqillik kuni bilan tabriklagan va “Rossiya AQSh davlatchiligini shakllantirishda muhim rol o‘ynaganini” ta’kidlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!