Joriy yilning 29-iyun kuni o‘tkazilgan “Qoradori-2024” tadbirida 1971-yilda tug‘ilgan, Tuyagum MFYda yashovchi shaxsning yashash xonadoni xolislar ishtirokida ko‘zdan kechirilgan. Ushbu tezkor tadbirda ma’lum bo‘lishicha, u xonadonidagi ekin maydonida 13 tup marixuana giyohvand o‘simligini parvarishlab kelayotganligi aniqlangan. Bu haqda Farg‘ona viloyati IIB axborot xizmati xabar berdi.

Shuningdek, jinoyatchi tomonidan 10 dona 3 litrli idishda 12 kg 537 gr ko‘knori boshoqlarini, 2 dona 3 litrli idishda 2 kg 570 gr marixuana moddasini, oq polietilen paketda esa, 41 gr gashish giyohvandlik moddasini hamda oq polietilen qopda 22 kg 550 gr ko‘knori somonini saqlab kelayotganligi aniqlanib, tegishli tartibda IIB xodimlari tomonidan hujjatlar rasmiylashtirilgan.

Qayd etilishicha, jami olingan giyohvand moddalar miqdori 37 kilogrammdan ziyodni tashkil qilgan. Hozirda mazkur jinoyat ishi yuzasidan tergovga qadar tekshiruv ishlari olib borilmoqda.

• Farg‘ona
• IIB