Rimdagi Bonapart saroyida 25-may kunidan boshlab moda olamining eng dovrug‘li fotosuratchilaridan biri Mario Testinoning “Go‘zal dunyo” ko‘rgazmasi o‘z ishini boshladi. Bu haqda UzA xabar berdi.

Testino so‘nggi yetti yilni moda olamidan tashqarida yangi mavzularni izlab topishga bag‘ishladi. O‘z ishining mohir ustasi mintaqa xususiyatlarini o‘rgangan holda mamlakatlarning madaniy qadriyat tizimlaridan ilhomlanib, yangi ko‘rgazma asosini tashkil etgan betakror fotosuratlarni to‘pladi.

Bonapart saroyidagi ko‘rgazmada Mario Testinoning O‘zbekiston bo‘ylab amalga oshirgan ekspeditsiyalari mobaynida tasvirga tushirgan asarlari namoyish etilmoqda. Shuningdek, ular orasida Qoraqalpog‘iston, Surxondaryo va Buxoro kelinlari hamda kurashchi polvonning suratlari o‘rin olgan.

• Namoyish
• Rim
• San’at