2-iyul kuni Belarus prezidenti Aleksandr Lukashenko mustaqillik bayramiga bag‘ishlangan tantanali yig‘ilishda Qoraqalpog‘istonda bo‘layotgan voqealarga to‘xtalib o‘tdi.

“Biz oʻzbeklarga koʻp faktlarni maʼlum qildik, hatto sammitlardan birida buni aytganimda mendan ranjishdi. Kecha nima boʻldi? Qoraqalpogʻiston Respublikasi, Oʻzbekistonning qariyb yarmi, goʻyoki Konstitutsiyada notoʻgʻri talqin boʻlganidek edi (konstitutsiyaviy referendum boʻladi) va ular qoʻzgʻaldi".

“Oʻzbekiston larzaga kela boshladi. Bu yerda xorijliklarning qoʻli borligi aytila boshlandi. Juda ogʻir vaziyat. Markaziy Osiyo ham biz kabi ikki oʻt orasida qoldi. Bir tomondan, yevropaliklar, amerikaliklar va boshqa tomondan, Markaziy Osiyoga katta yordam berayotgan Xitoy. Omon boʻling. Bu kurash yaqin kunlarda Markaziy Osiyoda boʻladi. Alomatlar allaqachon paydo boʻlgan”, deydi Aleksandr Lukashenko.

Ma’lumot o‘rnida, Belarus prezidenti Aleksandr Lukashenko 10-yanvar kuni KXSHT kengashi yigʻilishida tashkilot davlatlari Qozogʻistondagi namoyishlardan saboq olishi kerakligini aytib, Oʻzbekiston bu holatga alohida eʼtibor qaratishi kerakligini taʼkidlagan edi.