16–18-may kunlari Samarqandda boʻlib oʻtayotgan Yevropa tiklanish va taraqqiyot bankining yillik konferensiyasida Mastercard global toʻlov texnologiyalari kompaniyasi Oʻzbekistonda oʻzining birinchi rasmiy vakolatxonasi ochilishini maʼlum qildi.

“Rasmiy vakolatxonani ochish bizga joylardagi ehtiyojni yaxshiroq tushunish imkonini beradi va biz eng zamonaviy raqamli texnologik yechimlarni taklif etib, yanada ishtiyoq bilan ishlaymiz.

Endilikda hammaning manfaati uchun, yaqin yillarda raqamli iqtisodiyot taraqqiyoti boʻyicha umumiy maqsadlarga erishish yoʻlida, biz yanada faol va unumli ishlashimizga aminman”, — dedi EEMEA (Sharqiy Yevropa, Yaqin Sharq, Afrika) mintaqasida kompaniya prezidenti Dimitrios Dosis.

Shuningdek, Mastercard inklyuziv taraqqiyot markazi YeTTB bilan Markaziy Osiyoda kelgusida hamkorlikni kengaytirish va kichik biznes sohiblari, ayniqsa ayollar uchun raqamli imkoniyatlarni kengaytirish maqsadida Oʻzaro anglashuv memorandumini imzoladi.

• Mastercard
• Samarqand
• YeTTB