Biroz avval futbol bo‘yicha 2025-yilgi O‘zbekiston kubogining chorak final bellashuvlari uchun qur’a tashlash marosimi bo‘lib o‘tdi. Mazkur bosqichga qadar yetib kelgan eng kuchli 8 ta jamoa o‘z raqiblarini bilib olishdi.

Unga ko‘ra, markaziy o‘yin Jizzaxda kechadigan bo‘ldi. “So‘g‘diyona” yarim finalga chiqish yo‘lida Namanganning “Navbahor” jamoasi bilan bahs olib boradi. Qolgan juftliklar esa, quyidagicha ko‘rinish oldi:
“Bunyodkor” - “Buxoro”
“Dinamo” - “Sho‘rtan”
“Paxtakor” - “Mash’al”

Eslatib o‘tamiz, chorak final bosqichi bitta qarama-qarshilikdan iborat bo‘ladi. O‘yinlarning bo‘lib o‘tadigan sana va boshlanish vaqtlari keyinroq ma’lum qilinadi.

• Diyor Imomxo'jayev
• Futbol
• UzPFL