Afsonaviy bokschi Mayk ikki vazn toifasida sobiq UFC chempioni Konor Makgregorga maslahat berdi.

“Og‘ir mag‘lubiyatdan keyin bir nechta jang o‘tkazish kerakligini hamma biladi.

Konor, o‘ylaymanki, sen o‘zingga bo‘lgan ishonchni qaytarib, keyin eng yaxshi qilgan ishni qilishing, hayajonli g‘alaba qozonishing kerak.

Masalan, Toni Fergyusonni olaylik - bu qiyin jang. U g‘alaba qozonsa ham, mag‘lub bo‘lsa ham jangchi. Fergyuson qiziqarli janglar o‘tkazadi, bu yigitni mag‘lub etish qiyin.

Shunday ekan, Konor o‘ziga bo‘lgan ishonchni qaytarish uchun kamida uchta jang o‘tkazishi, har safar qarshilik darajasini oshirishi kerak. Har bir jangda raqib yuqori saviyali bo‘lishi kerak”, – deb hisoblaydi Tayson.

Ma’lumot o‘rnida, 2021-yilning iyun oyida Makgregor birinchi raundda oyog‘ini sindirib, texnik nokautga uchragan Dastin Poryega yutqazgan edi.

• Boks
• MakGregor
• Mayk Tayson
• UFC