Xabar berilishicha, 2023-yil oktyabr oyida Markaziy bankning Bank nazorati qo‘mitasining 9 ta yig‘ilishi o‘tkazilib, 30 dan ortiq masala ko‘rib chiqildi.
Muhokamalarning asosiy qismi ro‘yxatga olish va ruxsat berish, jumladan, kredit tashkilotlari ustavidagi o‘zgarishlarni ro‘yxatdan o‘tkazish, nobank kredit tashkilotlarini litsenziyalash, litsenziyalarni ro‘yxatdan o‘tkazish va bekor qilish, auditorlar, kuzatuv kengashi a’zolari va tijorat tashkiloti rahbariyatiga malaka sertifikatlarini berish masalalariga to‘g‘ri keldi. Qo‘mita tomonidan kredit tashkilotlarining moliyaviy holatini tekshirish masalalari ham o‘rganildi.
Markaziy bank ko‘rsatmalariga rioya qilmagani va o‘ziga yuklangan vazifalarni bajarmaganligi sababli bitta tijorat bankiga ayrim operatsiyalarni amalga oshirish rad etildi. Xuddi shu sababga ko‘ra, bitta to‘lov tashkilotining litsenziyasi 10 ish kuniga to‘xtatildi.
Beshta tijorat banki va bitta mikromoliya tashkiloti faoliyatidagi kamchiliklar aniqlandi. Ular choralar va sanksiyalar qo‘llanilishi haqida ogohlantiriladi.
16 tijorat bankining joylardagi filiallarida o‘tkazilgan nazorat tadbirlari natijasida aniqlangan qonunbuzarliklar uchun jarimalar qo‘llanildi. Banklarning aniq nomlari keltirilmagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!