Ukrainaning NATOga kirishi uchinchi jahon urushiga olib kelishi mumkin. Bu haqda Rossiya Xavfsizlik kengashi raisi oʻrinbosari Dmitriy Medvedev “Argumenti i fakti” nashriga bergan intervyusida maʼlum qildi.

“Ukrainaning NATOga kirishi bizning mamlakatimiz uchun ancha xavfli. Buni Prezident Vladimir Putin bir necha bor aytgan. Qrim Rossiyaning bir qismi va bu abadiy. Qrimga bostirib kirishga har qanday urinish mamlakatimizga qarshi urush eʼlon qilishdir. Agar buni NATOga aʼzo boʻlgan davlat qilsa, bu butun Shimoliy Atlantik alyansi bilan ziddiyat deganidir. Bu oʻz navbatida Uchinchi jahon urushi va hamma uchun falokat”, deya taʼkidlagan Medvedev

Xavfsizlik kengashi raisi oʻrinbosariga koʻra, Shvetsiya va Finlyandiyaning NATOga qoʻshilishi Rossiyaga yangi tahdid hisoblanmaydi.

• Rossiya
• Uchinchi jahon urushi