Belarus prezidenti Aleksandr Lukashenko kasalligi haqidagi xabarlarga izoh berib, adenovirus (o‘tkir respirator virusli infeksiya) bilan kasallanganini ma’lum qildi. 

“Agar kimdir meni o‘lyapti deb o‘ylasa, tinchlaning. Tinchlaning, bu messenjerlar va Telegram kanallaridagi behuda mulohazalardan boshqa narsa emas. Adenovirusdan boshqa hech nima yo‘q edi menda”, deydi Lukashenko Belarusda sog‘liqni saqlashning dolzarb masalalariga bag‘ishlangan yig‘ilishda.

Uning aniqlik kiritishicha, davolanish imkoniyati bo‘lmagan, chunki Moskva, Grodno, Gomelga sayohatlar rejalashtirilgan edi.

“Men o‘lmayman, bolalar. Hali men bilan juda uzoq vaqt azob chekasiz”, deydi Lukashenko.

• Lukashenko